SINO AKO?
Simple, matiyaga,magalang,mapagmahal at may takot sa Diyos,ito ako,si Dayna C. Balate,isinilang noong ika-30 ng nobyembre taong 1991,panganay sa tatlong anak nina Samuel at Helen Carino,sina Joey at Mariz ang aking mga kapatid.Kami ay kasalukuyang nakatira sa Bayugan City,Agusan Del Sur.Minsan masaya minsan malungkot ang aming pamilya ,hindi naman maiiwasan ang mga problemang darating sa isang pamilya.Kailangan lang ang tatag na harapin ang mga unos sa buhay .
Ako ay nag asawa sa edad na 21 at biniyayaan ng isang anak na lalaki .Sila ang inspirasyon ko kung bakit ako nag-aaral ngayon,hindi naging hadlang para sa akin ang pagiging isang ina at asawa upang ipagpatuloy ko ang minsa'y naudlot kong pangarap,bagkus sila ay nagbibigay sa akin ng lakas at tatag upang harapin ko ang bawat umaga sa aking buhay.
Oo,alam ko sa sarili ko at tanggap ko kung ano ako ngayon,at itoy ipinagmamalaki ko at hindi ko kailan man ikakahiya na ang isang inang katulad ko ay pumapasok sa isang unibersidad upang tuparin ang pangarap.At napag-tanto kong kapag nag asawa ay dapat patuloy parin ang pangarap,dahil may isang musmos na naghihintay para sa aking tagumpay.Nagsusumikap ako upang makamit ko ang tagumpay .
Sila ang dahilan kung bakit gusto kong mabuhay ng matagal sa mundong ito.Magulang na siyang nag aruga sa akin,asawa na siyang nagmahal sa akin at tumanggap sa akin kung ano ako at kung sino ako at kung anong meron ako.Anak na siyang nagbibigay ng kislap sa aming mga mata at siyang biyaya ng maykapal.
Mahal ko ang sarili ko higit sa lahat mahal ko ang pamilya ko.Ipinagmamalaki ko kung ano ako,sino ako at kung anong meron ako.
